அநுராதபுரத்தில் அதிரடி வேட்டை – போதைப்பொருள் நெட்வொர்க் நடத்திய 35 வயது பெண் கைது!

அநுராதபுரம் மகா பாலடிகுளம் பகுதியை அதிரவைத்த போதைப்பொருள் வியாபாரச் சம்பவம் ஒன்று பொலிஸாரின் அதிரடி நடவடிக்கையால் அம்பலமாகியுள்ளது! நீண்ட நாட்களாக இரகசியமாக போதைப்பொருள் விநியோகத்தில் ஈடுபட்டு வந்ததாகக் கூறப்படும் 35 வயதுடைய பெண் ஒருவர் கைது செய்யப்பட்டுள்ளார்.
ரகசிய தகவலால் சிக்கிய “டீலர்”!
அநுராதபுரம் வலய மது ஒழிப்பு பிரிவு பொலிஸாருக்குக் கிடைத்த மிக முக்கிய இரகசிய தகவலின் அடிப்படையில் நேற்று (25) மகா பாலடிகுளம் பகுதியில் திடீர் சுற்றிவளைப்பு மேற்கொள்ளப்பட்டது. அப்போது சந்தேகநபரின் வீடு முற்றுகையிடப்பட்டு சோதனை நடத்தப்பட்டதில் அதிர்ச்சிகரமான பொருட்கள் கைப்பற்றப்பட்டுள்ளன.
கைப்பற்றப்பட்ட போதைப்பொருட்கள்..
ஐஸ் போதைப்பொருள் (Methamphetamine) – 127 கிராம் 100 மில்லிகிராம்
ஹெரோயின் – 121 கிராம் 100 மில்லிகிராம்
போதைப்பொருளை அளந்து விற்பனை செய்ய பயன்படுத்திய மின்னணு தராசு
ஆரம்ப விசாரணைகளில் வெளிவந்த தகவல்களின் படி, கைது செய்யப்பட்ட பெண் சாதாரண நுகர்வோர் அல்லாமல், அந்தப் பகுதியில் போதைப்பொருள் விநியோகத்தை முன்னெடுத்த முக்கிய நபராகச் செயல்பட்டிருக்கலாம் என பொலிஸார் சந்தேகிக்கின்றனர்.
பெண்களை பயன்படுத்தி போதைப்பொருள் விநியோகிக்கும் புதிய வலையமைப்புகள் குறித்து பொலிஸார் தீவிர விசாரணைகளை ஆரம்பித்துள்ளதுடன், இவருக்குப் பின்னால் இருக்கும் முக்கிய கடத்தல் கும்பல்களை கண்டறிய விசாரணைகள் முடுக்கிவிடப்பட்டுள்ளன.
கைது செய்யப்பட்ட 35 வயது பெண், மேலதிக விசாரணைகளின் பின்னர் அநுராதபுரம் நீதவான் நீதிமன்றத்தில் ஆஜர்படுத்தப்படவுள்ளதாக பொலிஸார் தெரிவித்துள்ளனர்.
போதைப்பொருள் சமூகத்தையே சீரழிக்கும் விஷம்! சந்தேகத்திற்கிடமான நடவடிக்கைகள் குறித்து உடனடியாக பொலிஸாருக்கு தகவல் வழங்குங்கள்.