அவுஸ்திரேலயாவின் சிட்னியில் புத்தாண்டு தினத்தன்று வாகனமொன்று கட்டுப்பாட்டை இழந்து, தமிழர் ஒருவரின் கடைக்குள் புகுந்தது. இந்த விபத்தையடுத்து, பாதிக்கப்பட்ட பெண்ணுக்கு உதவ விரைந்து செயற்பட்ட சிவராசா மன்மதராசா என்ற தமிழரை அந்த நாட்டு ஊடகங்கள் புகழ்ந்துள்ளன.
ஹோம்புஷ் வெஸ்டில் உள்ள ஹார்ன்சி வீதியில் உள்ள பிரமிட் வீடியோ மற்றும் மசாலா கடையில் மாலை 5 மணியளவில் விபத்து நிகழ்ந்தது. மதுபோதையில் வாகனத்தை செலுத்தி வந்த ஒருவர் கட்டுப்பாட்டை இழந்து, நடைபாதையில் சென்ற 27 வயதான பெண்ணொருவரை மோதினார். வாகனம் கடைக்குள் புகுந்தது.
மோதிய பெண், வாகனத்துக்கும், கடை சுவருக்குமிடையில் சிக்கினார்.அந்த வீதியால் சென்று கொண்டிருந்த தமிழரான சிவராசா மன்மதராசா இடிபாடுகளின் மீது ஏறி கடைக்குள் நுழைந்து, பாதிக்கப்பட்ட பெண்ணை மீட்க முயன்றார்.“அவர் அந்தப் பெண்ணை அடைந்து, அவரது கையைப் பிடித்து, முதலுதவி பரிசோதனை செய்து, ஆம்புலன்சுக்காகக் காத்திருந்தபோது, அவரை அமைதிப்படுத்த முயற்சித்து அவரிடம் பேசினார்.
அந்த பெண் தன்னை வெளியே கொண்டு செல்லும்படி கேட்டதாகவும், ஆனால் வாகனத்தில் இருந்து அவரை விடுவிக்க முடியவில்லை என்றும் அவர் கூறினார்.
அந்தப் பெண், மன்மதராசாவின் கண்களைப் பார்த்து “தம்பி, நான் சாக விரும்பவில்லை. நான் இறக்க விரும்பவில்லை. நான் என் அம்மாவிடம் பேச வேண்டும்.” என கூறினார் என அந்த நாட்டு ஊடகங்கள் செய்தி வெளியிட்டுள்ளன.
வாகன சாரதி பெண்ணை மோதிவிட்டு அங்கிருந்து தப்பிச் சென்றதாகவும், அவருக்கு உதவ முயற்சிக்கவில்லை எனவும் பொலிஸார் நீதிமன்றத்தில் குற்றஞ்சாட்டவுள்ளனர்.
52 வயதுடைய நபர் என்று கூறப்படும் ஓட்டுநர் அருகில் கைது செய்யப்பட்டு, ஆபர்ன் காவல் நிலையத்திற்கு அழைத்துச் செல்லப்பட்டார். பரிசோதித்ததில் அவர் மதுபோதையில் இருந்தது தெரிய வந்தது.
பிரமிட் வீடியோ மற்றும் ஸ்பைஸ் கடையின் உரிமையாளரான சுந்தரலிங்கம் செல்லத்துரை புத்தாண்டு தினத்திற்காக மதியம் 1.30 மணியளவில் தனது கடையை மூடிவிட்டு வீட்டிற்கு தூங்க சென்றதாக கூறினார்.
மாலை 5 மணிக்குப் பிறகு அதிர்ச்சிகரமான சம்பவம் குறித்து அவருக்கு அழைப்பு வந்தது.
“அவர்கள் என்னை அழைத்து ‘உங்கள் கடை சேதமடைந்துள்ளது’ என்று கூறுகிறார்கள்,” என்று அவர் கூறினார்.
“என்ன செய்வது என்று எனக்குத் தெரியவில்லை, அடுத்த படிகள். இது எனக்கு சவாலாக உள்ளது,” என்றார்.
