முல்லைத்தீவில் மோட்டார் சைக்கிளுடன் ஆசிரியரை துாக்கி எறிந்த காட்டு யானை!! ஆசிரியர் படுகாயம்!!

காட்டு யானையின் தாக்குதலுக்கு உள்ளாகிய ஆசிரியர் ஒருவர் முல்லைத்தீவு வைத்தியசாலையில் அனுமதிக்கப்பட்ட சம்பவம் ஒன்று இன்று (19) இடம்பெற்றுள்ளது.

முல்லைத்தீவு, முள்ளியவளை பகுதியில் இருந்து கேப்பாபிலவு வீதியால் பாடசாலைக்கு சென்று கொண்டிருந்த போது புதுக்குடியிருப்பு கள்ளியடி பாலத்தடியில் இரண்டு யானை வீதியை வழிமறித்து, ஆசிரியரின் மோட்டார் சைக்கிளை தூக்கி எறிந்ததோடு குறித்த ஆசிரியரையும் தாக்கிவிட்டு சென்றுள்ளது.
யானை தாக்குதலுக்கு இலக்கான ஆசிரியர் காயங்களோடு முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளார்.
சம்பவத்தில் தாக்குதலுக்கு இலக்கான ஆசிரியர் முள்ளியவளையை சேர்ந்த 28 வயதுடைய உடையார்கட்டு குரவில் மகா வித்தியாலயத்தில் கல்வி கற்பிக்கும் ஆசிரியர் என தெரிவிக்கப்பட்டுள்ளது.