‘என்ர பிள்ளையில கைவைக்க எவனுக்கும் உரிமையில்லை’!! சனிமாற்றம் அப்போதே ஆரம்பித்தது!!

A/L பரீட்சைக்கு அண்மித்த காலம்வரை (19 வயதுவரை) என் பள்ளியின் உப அதிபர் முதற்கொண்டு ஆசிரியர்கள் வரை என்னைப் பலரும் அடித்தார்கள். பிரம்பினாலும் வாங்கியிருக்கிறேன். அவர்களின் கையினாலும் வாங்கியிருக்கிறேன். அவர்கள் பொழுதுபோக்குக்காக என்னை அடிக்கவில்லை. நான் செய்த தவறுகளுக்காக அடித்தார்கள். அவர்கள் சப்பாத்தே இல்லாதவனை அடிக்கவில்லை. சப்பாத்து வைத்துக்கொண்டு அணிந்துவராத என்னை அடித்தார்கள். வீட்டுப் பாடங்களை செய்துவராதமைக்கு அடித்தார்கள். பாடவேளைகளில் கன்ரீன் வாசலில் கண்டமைக்கு அடித்தார்கள். பிரார்த்தனை வேளைகளில் கதைத்து சிரித்தமைக்கு அடித்தார்கள். இந்த அடிகளைப் பற்றி வீட்டில் நான் முறையிட்டபோதெல்லாம் என் பெற்றோர்கள் அந்த ஆசிரியர்களுக்கு ஆதரவாகவே பதிலளித்தார்கள். தாங்கள் செய்யவேண்டிய கடமைகளை அந்த ஆசிரியர்கள் செய்வதாய் மகிழ்ந்தார்கள்.