22 வயது யுவதி உட்பட இலங்கை தமிழர்கள் 5 பேர் களவாக வெளிநாடு செல்ல முற்பட்டு ருவன்டாவில் உயர் மாய்க்க முயற்சி!!

இலங்கையை சேர்ந்த ஐந்து தமிழ் அகதிகள் தற்கொலைக்கு முயற்சித்த நிலையில் மருத்துவ சிகிச்சைக்காக ருவாண்டாவிற்கு அனுப்பிவைக்கப்பட்டிருந்த நிலையில் அங்கு வைத்தியசாலையில்
இருந்து இந்த காணொளியினை வெளியிட்டுள்ளனர்.

ருவாண்டா தலைநகரமான கிகாலியில் உள்ள ருவாண்டா வைத்தியசாலையில் 5 தமிழ் புகலிடக் கோரிக்கையாளர்களும் சிகிச்சை பெற்று வருகின்றனர். இதேவேளை 22 வயதான யுவதியையும் இலங்கைக்கு திருப்பியனுப்பவுள்ளதாக அதிகாரிகள் தெரிவித்திருந்த நிலையிலேயே குறித்த பெண் தையல் ஊசியை பாதியாக உடைத்து இரண்டு துண்டுகளையும் விழுங்கியுள்ளார்.

ஆரம்பத்தில் டியாகோ கார்சியா தீவில் நுழையும் போது நன்றாக வரவேற்றிருந்ததாகவும் ஆனால் தற்போது தமது சுயமரியாதையை இழப்பது போன்று உணர்வதாக அவர்கள் தெரிவிக்கின்றனர்.
வெளியுலகம் தெரியாமல் சிறையில் அடைக்கப்படுவது போன்றே தமது வாழ்க்கை கடந்து செல்வதாக கவலை வெளியிடுகின்றனர்.

இவர்களுடன், மேலும் சுமார் 65 பேர் டியாகோ கார்சியா தீவில் உள்ளதாகவும் விலங்குகளை போன்று அடைக்கப்பட்டுள்ளதாக இவர்கள் கவலை வெளியிடுகின்றனர்.

உயிர்வாழ்வதற்கான சுழல் அந்த தீவிலும் தற்போதுள்ள தாம் தங்கியுள்ள ருவாண்டா தலைநகரமான கிகாலியும் வாழ முடியாத நிலையே காணப்படுவதாக அவர்கள் கவலை வெளியிடுகின்றனர்.

இதேவேளை மற்றுமொரு இளைஞன் கருத்து தெரிவிக்கும் போது தான் இந்தியாவில் பிறந்த நாடற்ற மனிதன் என குறிப்பிட்டிருந்தார்.அத்துடன் தனக்கு மனநோய் ஏற்பட்டுள்ளதாக மருத்துவர்கள் தெரிவித்த போதும் அதற்கான சிகிச்சைகள் வழங்கப்படவில்லை என்கின்றார்.

இரத்த வாந்தி எடுப்பதாவும் இதனை அதிகாரிகளிடம் தெரிவித்தால் புகைப்படம் எடுக்குமாறும் இரத்தத்தை கையில் எடுத்து வருமாறு குறிப்பிடுவதாக கவலை வெளியிடுகின்றார்.

சிறைக் கைதிகளுக்கு கூட ஒருசில சுதந்திரம் உள்தாகவும் ஆனால் தமக்கு அந்த சுதந்திரம்கூட இல்லாத அடிமைகளாக வாழ்வதாக கவலை வெளியிடுகின்றனர்.

அத்துடன் ஏதோ ஒருநாட்டில் ஒரு நாள் வாழ்ந்தாலும் சுதந்திரமாக வாழவேண்டும் என்பதே தமது இறுதி ஆசை என தெரிவிக்கின்ற இந்த தமிழ் அகதிகள் அந்த தீவீல் வாழ முடியாது என கவலை வெளியிடுகின்றனர்.