யாழில் சம்பவம்! கூலித்தொழிலாளியை நடுவீதியில் அடித்து விழுத்தி 5 கிலோகிராம் கோதுமை மா திருட்டு:

தம்பசிட்டி பகுதியை சேர்ந்த ஒருவர் கூலித் தொழிலுக்காக உடுப்பிட்டி பகுதிக்கு சென்றிருந்தார். அன்றைய நாள் கூலியில் 5 கிலோகிராம் கோதுமை மா வாங்கி, தனது சைக்கிளின் பின்னால் வைத்துக் கொண்டு வீடு திரும்பியுள்ளார்.

மாலை 3 மணியளவில் வதிரி- உடுப்பிட்டி வீதியில் டேவிட் முகாமிற்கு அண்மையாக, மோட்டார் சைக்கிளில் வந்த 3 பேர், ஆள் நடமாட்டமில்லாத வேளையில் திடீரென அவரை வழிமறித்து அடித்து நிலத்தில் விழுத்தி, கோதுமை மா பையை திருடினர்.