யாழில் மது போதையில் சாரதி செலுத்தி ஹயஸ்வான் மோதி பெண் பரிதாபமாகப் பலி!!

யாழ்ப்பாணம் – பலாலி பிரதான வீதியின் புண்ணாலைக்கட்டுவன் பகுதியில் இடம்பெற்ற விபத்தில் பெண்ணொருவர் உயிரிழந்துள்ளதுடன், மற்றொரு நபர் பலத்த காயங்களுக்கு உள்ளான நிலையில் யாழ். போதனா வைத்தியசாலையின் விபத்து சேவை பிரிவில் அனுமதிக்கப்பட்டுள்ளார்.

குறித்த விபத்து ஆயக்கடவை பிள்ளையார் கோயில் அருகே இன்று இடம்பெற்றுள்ளது.

பலாலி பகுதியில் இருந்து யாழ். நோக்கி வந்து கொண்டிருந்த ஹயஸ் ரக வான், அதே திசையில் பயணித்த துவிச்சக்கரவண்டியினை மோதியதினாலேயே குறித்த விபத்து இடம்பெற்றுள்ளதாக தெரிவிக்கப்படுகின்றது.

இவ்வாறு உயிரிழந்த பெண் குப்பிளான் தெற்கு பகுதியினை சேர்ந்த 48 வயதான கே.சுசிலா என தெரிவிக்கப்படுகின்றது.

இதன்போது வாகனத்தின் சாரதி மதுபோதையில் வாகனத்தினை செலுத்தியிருக்கலாம் என பொலிஸார் சந்தேகம் வெளியிட்டுள்ளதுடன், விபத்தினை ஏற்படுத்திய சாரதி சம்பவ இடத்திலிருந்து தப்பி சென்றுள்ளதாகவும் தெரிவிக்கப்படுகின்றது.

மேலும் சம்பவம் தொடர்பான மேலதிக விசாரணைகளினை சுண்ணாகம் பொலிஸார் மேற்கொண்டு வருகின்றனர்.