வவுனியாவில் காவாலிகள் மோதல்!! பற்றி எரிந்த மோட்டார் சைக்கிள்கள்!!
வவுனியா ஒமந்தையில் இரு குழுக்களுக்கிடையில் ஏற்பட்ட மோதலில் இரு மோட்டார் சைக்கிள்கள் தீக்கிரையாக்கப்பட்டுள்ளதுடன் ஒருவரை கைது செய்துள்ளதாக ஒமந்தை பொலிஸார் தெரிவித்தனர்.
நேற்று இரவு வவுனியா ஒமந்தை சின்னப்புதுக்குள வீதியில் இரு குழுக்களுக்கு இடையில் திடீரென மோதல் ஏற்பட்டது. பயங்கர ஆயுதங்களுடன் மோதிக் கொண்டவர்கள், இரு மோட்டார் சைக்கிள்களை தீக்கிரையாக்கினர்.
மோதலில் இருவர் கடுமையான காயமடைந்து வவுனியா பொது வைத்தியசாலையில் அனுமதிக்கப்பட்டனர். அவர்களில் ஒருவரை பொலிசார் கைது செய்துள்ளனர்.
மோதலில் ஈடுபட்டவர்கள் விட்டுச்சென்ற மோட்டார் சைக்கிள் ஒன்றினை பொலிஸார் கைப்பற்றியுள்ளனர்.
இச்சம்பம் தொடர்பான மேலதிக விசாரணையை ஒமந்தை பொலிஸாரால் மேற்கொள்ளப்பட்டு வருவதுடன் இச்சம்பவத்தில் கைது செய்யப்பட்ட நபர் இன்று நீதிமன்றத்தில் முன்னிலைப்படுத்தப்படவுள்ளமை குறிப்பிடத்தக்கது.
