எழுந்து நிற்கவே வக்கில்லாத நிலையில் புருசன்! மூத்த பிள்ளை சிறைக்குள்! ஏனைய பிள்ளைகளுக்கும் சிக்கல்! சிங்கப்பூரில் சுற்றிய ஷிரந்தி

முன்னாள் ஜனாதிபதி மஹிந்தவின் மனைவி ஷிரந்தி ராஜபக்ஷ, கொழும்பு நிதிக்குற்றப் புலனாய்வுப் பிரிவில் ஆஜராகுமாறு அழைப்பாணை பெற்றதைத் தொடர்ந்து, திடீரென நெஞ்சு வலி மற்றும் இதய பைபாஸ் அறுவை சிகிச்சை தேவைப்படுவதால் படிக்கட்டுகளில் ஏறும்போது கூட மூச்சுத் திணறல் ஏற்படுவதாகக் கூறி நவலோகா மருத்துவமனையில் அனுமதிக்கப்பட்டிருந்தார்; கடந்த திங்கட்கிழமை அதிகாலையில் தனக்கு அவசர இதய சிகிச்சை அளிக்கப்பட்டதாகவும் அவர் தெரிவித்திருந்தார். பின்னர், சிங்கப்பூரில் உள்ள மவுண்ட் எலிசபெத் மருத்துவமனையில் மேலதிக சிகிச்சை பெற வேண்டியிருப்பதாகக் கூறி அவர் வெளிநாடு சென்றார்; இருப்பினும், சிங்கப்பூரில் உள்ள ஒரு வணிக வளாகத்தில் அவர் தடையின்றி உலாவருதைக் காட்டும் புகைப்படங்கள் தற்போது வெளியாகியுள்ளன.

குறிப்பிட்ட அந்தப் புகைப்படங்கள், சிங்கப்பூரின் ஓர்ச்சர்ட் சாலையில் (Orchard Road) அமைந்துள்ள ‘313@somerset, Orchard Rd, Singapore 238895’ என்ற புகழ்பெற்ற வணிக வளாகத்திற்கு அருகில் எடுக்கப்பட்டவை. சிங்கப்பூரின் சாங்கி விமான நிலையத்தில் வந்திறங்கியபோது, ​​அவர் தனது உடல்நலக்குறைவிலிருந்து முழுமையாக மீண்டிருந்ததாகத் தெரிந்தது; இதயப் பிரச்சனை அல்லது சமீபத்திய அறுவை சிகிச்சைக்கான எந்த அறிகுறியும் அவரிடம் காணப்படவில்லை.

அவர் ஓர்ச்சர்ட் சாலையில் சுறுசுறுப்பாக நடந்து செல்வதையும், லூயிஸ் உய்ட்டன் (Louis Vuitton) போன்ற உலகப் புகழ்பெற்ற பிராண்டுகளின் பொருட்களைப் பார்வையிடுவதையும் அப்புகைப்படங்களைப் பதிவேற்றிய நபர் குறிப்பிட்டுள்ளார்.