கனடாவில் ப்ரோக்வில் பகுதிகளில் இயங்கிவரும் குறைந்த உணவுப் பொருட்கள் விற்பனை நிலையத்தின் உரிமையாளரான சற்குணராசா தங்கராஜா, பாலியல் குற்றச்சாட்டுகள் பலவற்றை நீதிமன்றத்தில் ஒப்புக்கொண்டுள்ளார். கடந்த 16ஆம் தேதியன்று இடம்பெற்ற வழக்கு விசாரணையின் போது, 19 வயது பெண் தொழிலாளி தொடர்பான பல குற்றச்சாட்டுகளை அவர் ஒப்புக்கொண்டுள்ளார். பாலியல் தொல்லை, சிறுவர் ஆபாசப்படம் தயாரித்தல், இரு பாலியல் துன்புறுத்தல் வழக்குகள், தொலைத்தொடர்பு சாதனங்கள் மூலம் ஆபாச செய்திகளை அனுப்பியமை ஆகிய குற்றச்சாட்டுகளை சந்தேக நபர் ஏற்றுக்கொண்டுள்ளார்.
கடந்த 2025ஆம் ஆண்டு பிப்ரவரி மாதம் 9ஆம் தேதி சந்தேக நபர் போலீசாரினால் கைது செய்யப்பட்டார். 16 வயதுக்குட்பட்ட நபர் மீதான நான்கு பாலியல் துன்புறுத்தல் வழக்குகள், நான்கு பாலியல் தலையீட்டு வழக்குகள் மற்றும் சிறுவர் ஆபாசப்படம் தயாரித்தமை ஆகிய குற்றச்சாட்டுகள் ஆரம்பத்தில் சுமத்தப்பட்டிருந்தன. இவரது கைது தொடர்ந்து குறித்த கடை தற்காலிகமாக மூடப்பட்டதுடன், இது ப்ரோக்வில் கலை நிறுவனத்தால் நேரடியாக நடத்தப்படும் ஒன்று அல்ல எனவும், இது ஒரு தனிநபரால் சுயாதீனமாக நடத்தப்படும் உரிமையுடைய கடை எனவும் தெரியவந்துள்ளது.
குற்றங்களை ஒப்புக்கொண்டபோதிலும் அவர் தொடர்ந்து பிணை நிபந்தனைகளின் கீழ் விடுதலையில் இருந்து வருகிறார். இவருக்கான தண்டனை விவரங்கள் எதிர்வரும் 2026 டிசம்பர் 11ஆம் தேதி அறிவிக்கப்பட உள்ள நிலையில், இதுவரை தண்டனை எதுவும் விதிக்கப்படவில்லை.
