சவூதி அரேபியாவின் Buraydah பகுதியில் வசித்து வந்த தமிழகத்தைச் சேர்ந்த 37 வயதான ஜெயபாரதி மற்றும் அவரது 2 வயது மகள் கார்த்திகா ஸ்ரீ ஆகியோர் வீட்டில் ஏற்பட்ட தீ மற்றும் புகை காரணமாக உயிரிழந்ததாக தகவல்கள் வெளியாகியுள்ளன.
ஜெயபாரதியின் கணவர் கோகுல் ராஜ் சவூதி அரேபியாவில் பணியாற்றி வருவதாக தெரிவிக்கப்பட்டுள்ளது.
உயிரிழந்த தாய் மற்றும் குழந்தையின் உடல்கள், இந்தியத் தூதரகம் மற்றும் தொண்டு நிறுவனத்தின் உதவியுடன் தேவையான சட்ட நடைமுறைகள் நிறைவு செய்யப்பட்ட பின்னர், Riyadh-இல் இருந்து விமானம் மூலம் சென்னை கொண்டு வரப்பட்டதாக கூறப்படுகிறது.
சென்னை விமான நிலையத்தில் உடல்களை உறவினர்கள் பெற்றுக்கொண்டு, சொந்த ஊரில் இறுதி சடங்குகள் மேற்கொள்ளப்பட்டதாக தெரிவிக்கப்பட்டுள்ளது.
இந்த துயரமான சம்பவம், வீட்டிற்குள் புகை மற்றும் தீ பாதுகாப்பு தொடர்பான விழிப்புணர்வின் அவசியத்தையும் நினைவூட்டுகிறது.
பாதுகாப்பு விழிப்புணர்வு:
மூடப்பட்ட அறைகளில் ஊதுபத்தி, சாம்பிராணி, கொசுவர்த்தி அல்லது கரியடுப்பு போன்றவற்றை எரியவிட்டு தூங்குவதை தவிர்ப்பது பாதுகாப்பானது. இவற்றைப் பயன்படுத்தும்போது போதிய காற்றோட்டம் இருப்பதையும், தீப்பற்றக்கூடிய பொருட்களிலிருந்து அவற்றை விலக்கி வைப்பதையும் உறுதி செய்யுங்கள்.
ஒரு சிறிய கவனம்… ஒரு பெரிய விபத்தைத் தவிர்க்கலாம்.
